Rrjeti po zien nga spekulimet pasi modelja Hailey Bieber ka hequr nga Instagrami bashkëshortin e saj, Justin Bieber. Kjo lëvizje ka ngjallur dyshime mbi një krizë në martesën e tyre, edhe pse ende nuk ka një reagim zyrtar nga çifti.
Nga ana tjetër, Justin ka qenë aktiv në rrjetet sociale, duke postuar një foto të Hailey-t me këngën “Jezebel”, një term që shpesh përdoret për të përshkruar një grua manipulatore. Ndërkohë, Hailey ka komentuar me emoji “sytë zemra” në një postim të fundit të Justin-it, duke shtuar konfuzitetin mbi situatën.
Ndërsa disa fansa besojnë se kjo mund të jetë një shaka për 1 Prillin, të tjerë e lidhin me spekulimet e mëparshme për probleme në martesën e tyre. Kriza mes çiftit është përfolur prej një viti, por lindja e fëmijës së tyre dukej se i kishte qetësuar gjërat.
Ndërkohë, një tjetër detaj që po diskutohet është lidhja e Selena Gomez me producentin Benny Blanco, që sipas zërave, mund të shkojë drejt martesës. Ky fakt ka nxitur teoritë se Justin është ende i prekur nga ish-lidhja e tij dhe se problemet e tij personale përfshirë dyshimet mbi përdorimin e drogës, mund të kenë ndikuar në marrëdhënien me Hailey-n.
A është kjo një strategji për vëmendje apo ka diçka më shumë? Përgjigjet mbeten ende të paqarta.
