Shtatë herë kampioni i botës në Formula 1, Lewis Hamilton ka mposhtur COVID-19. Më pak se dy javë pasi rezultoi pozitiv, Hamilton është negativizuar dhe pritet të kthehet shumë shpejt në pistë.
Britaniku do të rikthehet me garën e Abu Dhabi këtë fundjavë teksa Mercedes shpreson ta kthejë edhe më herët për të realizuar disa prova.
Gjithsesi Hamilton ia hodhi COVID-19 dhe karantinës duke humbur vetëm garën e Bahrein teksa tregoi se java e kaluar ishte një nga më të vështirat që ka pasur.
“Ka qenë një nga javët më të vështira që kam pasur për ca kohë,.Shpresoj se mund të kthehem së shpejti në makinë”, tha Hamilton.
