U premtua ngritja e memorialeve, në shenjë përkujtimi për viktimat e tërmetit.
Por sot, në vendngjarje nuk gjen asnjë memorial për jetët e humbura nën gërmadha.
Në pallatin pranë Kryqit të Kuq, në Durrës humbën jetën 7 persona, u shua një familje.
![](https://durreslajm.al/app/uploads/2021/11/sheshi.png)
2 vite më pas, aty janë pastruar vetëm inertet, ndërsa sheshi ku dikur ngrihej pallati të ngjall trishtim.
Pirgje dherash dhe mbeturinash rrethojnë sheshin anekënd.
Një pamje e trishtë për këdo që jeton në këtë lagje dhe i njihte nga afër viktimat.
Po njësoj edhe në sheshin ku ngrihej 2 vite më parë pallati tek ish-Baronsi.
![](https://durreslajm.al/app/uploads/2021/11/sheshi-1.png)
Shiritat që rrethojnë “lulishten” e mjerë të sjellin në mendje se dy vite më parë aty ishte vend krimi.
E ndërsa askush nuk u dënua për shembjen e pallateve, shteti harroi të nderonte viktimat e pafajshme.
Banorët e këtyre 2 pallateve ende sot janë pa shtëpi, ndërsa sheshet e braktisura dëshmojnë harresën e shtetit për qytetarët e tij.