Dhoma e Avokatisë Vendore në Durrës ka vendosur ditën e sotme për bojkotimin e seancave në gjykata për datat 27, 28 dhe 29 qershor, në shenjë proteste për hartën e re gjyqësore.
Në mbledhjene e sotme avokatët e Durrësit në mënyrë unanime kanë vendosur:
1.Bojkotin Seancave Gjyqësore.
2.Bojkotin e Masave të sigurimit.
3.Bojkotimin e veprimeve hetimore.
4.Shfuqizimin e listave kryesisht.
Harta e re gjyqësore e miratuar nga Këshilli i Lartë Gjyqësor ka hasur në pakënaqësitë e avokatëve në mbarë Shqipërinë të cilët shprehen se kjo ndarja e re do u rëndojë qytetarëve pasi do rrisë kostot e gjyqeve dhe do zgjasë seancat.
Kujtojmë se qyteti i Durrësit me hartën e re gjyqësore humb Gjykatën e Apelit dhe atë Administrative.
