Eurostat ka publikuar së fundmi statistikat mbi lindjet dhe normën e fertilitetit në Bashkimin Europian. Sipas të dhënave të Eurostat, Shqipëria ka moshën më të re në Europë, 25 vjeçe e 8 muaj, që gratë vendosin të bëhen nënë për herët të parë.
Në Europë mosha mesatare kur një grua vendos që të bëhet nënë për herë të parë është 29 vjeç. Vendet e Europës Lindore kanë moshën mesatare më të re për lindjet për herë të parë.
Pas Shqipërisë renditet, Bulgaria në 26 vjeç, e ndjekur nga Rumania me 26.4 vjeç, Letonia 26.7 vjeç. Në kontrast me këto shtete, gratë kanë zgjedhur që të bëhen nëna për herë të parë pas moshës 30 vjeç në Itali, ku mosha mesatare e lindjes për herë të parë te femrat është 31 vjeç, Spanja, 30.8 vjeç, Luksemburgu me 30.5, Greqia 30.3, dhe Irlanda 30.1.
Megjithatë për sa i përket normës së fertilitetit, numri i lindjeve është pak më poshtë se mesatarja europiane e lindjeve. Në Shqipëri norma e fertilitetit është 1.56, diçka më pak se mesatarja europiane (1.6).
Fertiliteti është më i lartë në Kosovë, ku mesatarisht një grua bën dy fëmijë, Suedi (1.85), Francë (1.95), dhe Angli 1.79. Norma e fertilitetit në një vit të dhënë tregon numrin mesatar të lindjeve të një gruaje gjatë jetës së saj.
Lindjet dhe fertiliteti në BE
• Në 2016, 5.14 milionë foshnje kanë lindur në Bashkimin Evropian (BE), krahasuar me 5.103 milionë në vitin 2015.
• Mesatarisht në BE, gratë që lindën fëmijën e parë në vitin 2016 ishin 29 vjeç. Në të gjithë Shtetet Anëtare, nënat për herë të parë ishin më të reja në Bullgari dhe me moshë më të madhe në Itali.
• Rreth 5% e lindjeve të fëmijëve në BE në 2016 ishin më pak se 20 (nënat adoleshente) dhe rreth 3% ndaj grave të moshës 40 vjeç e lart.
• Në mesin e 5,148 milionë lindjeve në BE në vitin 2016, gati një në 5 (ose pothuajse 930,000) kanë të bëjnë me fëmijën e tretë ose të mëvonshëm.
• Në përgjithësi, shkalla e pjellorisë totale në BE ishte në 1.60 lindje për grua në vitin 2016. Ajo ndryshonte midis Shteteve Anëtare nga 1.34 në Spanjë dhe Itali deri në 1.92 në Francë. /Monitor
