Një shpërthim me lëndë plasëse është regjistruar në orët e para të mëngjesit të sotëm në një godinë, në rrugën dytësore “Tiranë-Vorë”, pa shkaktuar dëme në njerëz.
Burime nga policia e kryeqytetit bëjnë me dije se bëhet fjalë për vendosjen e lëndës plasëse në objektin që ishte marrë me qira nga nga Kozak Braçi personazhi i Tik-Tokut.
Po ashtu mësohet se ambientin e hedhur në erë këtë të martë Kozaku e kishte marrë me qira ku priste të bënte një investim.
Ende nuk dihen arsyet e shpërthimit, por po hetohet mbi konfliktet e mundshme. Policia ka sekuestruar kamerat e sigurisë, me qëllim identifikimin e autorit.
“Më datë 05.11.2024, rreth orës 03:55, në një godinë boshe, në rrugën dytësore “Tiranë-Vorë”, dyshohet se ka shpërthyer sasi e vogël lëndë plasëse. Si pasojë janë shkaktuar vetëm dëme materiale. Po punohet për sqarimin e rrethanave të ngjarjes. Materialet i kaluan Prokurorisë”, thuhet në njoftimin e Policisë së Tiranës.
Më herët personit në fjalë i kanë djegur edhe një automjet.
