Federata Holandeze e futbollit thuhet se foli me italianin Antonio Conte për të parë nëse ai do të ishte një përshtatje e mirë për punën e trajnerit te Holanda, por ai dëshiron të presë për një rol tek ndonjë klub evropian.
Trajneri italian është një agjent i lirë pasi përfundoi kontratën e tij me Interin me pëlqimin e ndërsjellë, pavarësisht se fitoi titullin në Serie A. Si pjesë e marrëveshjes, ai nuk mund të regjistrohet në një tjetër klub të Serie A për sezonin 2021-22.
Ai ka qenë i lidhur me Paris Saint-Germain, Tottenham Hotspur, Manchester United dhe Real Madrid gjatë verës, por të gjitha pa rezultat.
Sipas prezantuesit italian të sportit, Maurizio Pistocchi, edhe Federata Holandeze e Futbollit iu afrua Contes për të parë nëse ai do të ishte i interesuar të merrte përsipër ekipin kombëtar pas eliminimit të tyre të hershëm në Euro 2020.
Frank de Boer u largua pasi ata u eliminuan në fazën e 1/8-tës pas një humbje 2-0 ndaj Republikës Çeke, ndërsa ardhja e tij te Holanda ishte vetëm në shtator të 2020.
Sidoqoftë, Conte me sa duket ka refuzuar ofertën e Holandës, pasi thuhet se është duke pritur një ofertë nga ndonjë klub evropian.Ai ka përvojë si trajner ndërkombëtar, pasi e ka çuar Italinë në çerekfinalet e Euro 2016.
