Një i moshuar ka humbur jetën tragjikisht në Durrës, pasi në përpjekje për të fikur zjarrin që kishte ndezur vetë për djegien e mbeturinave, u asfiksua dhe vdiq.
Ngjarja ka ndodhur në Sukth ku viktima është shtetasi R.H. 75 vjeç.
Informacioni paraprak i policisë:
Në Sukth, shtetasi R. H., 75 vjeç, kishte ndezur zjarr në tokën e tij për të djegur mbetjet e prodhimeve bujqësore. Si pasojë e erës së fortë zjarri është përhapur dhe 75 vjeçari në përpjekje për të fikur zjarrin është asfiksuar nga tymi dhe për pasojë ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të ngjarjes.
