Trajneri Edi Martini foli pas humbjes me Partizanin. Ai u shpreh se pjesa më e madhe e ekipit ishte me virozë dhe të lodhur.
Gjithsesi Martini shpreson që pas pushimit do të forcohen më shumë. “Rezultati nuk shkoi, pjesa e parë ishte e ekuilbruar, në pjesën e dytë ramë se e patëm ekipin me virozë, pjesa tjetër ishte i lodhur, Partizani shënoi gol ne nuk patëm mundësi të qëndronim deri në fund.
Gjini ka lënë boshllëqe, gabimet që bëmë sot nuk duhet. Ndihet mungesa, Daci na ka prishur pak sistemin e lojës. Gjithsesi, janë pikë që vlejnë dhe dhembin. Kemi bërë një ndeshje pothuajse të barabartë, Partizani ishte më i qartë. Ne nuk duhet të biem moralisht. Ashtu si erdhi loja ne kërkuam barazimin, por na mungoi qetësia para portës, nuk i njoh mirë disa lojtarë sepse kanë ardhur me vonesë, nuk janë shkrirë me ekipin, në një ndër pikat tona të forta është morali dhe jam i sigurt që do të forcohemi në vijim”, përfundoi Martini.
