Një i moshuar ka humbur jetën në plazhin e Borshit pak pas mesditës së sotme.

“Shtetasi me iniciale E. L., 85 vjeç, banues në fshatin Borsh, duke u larë në det dyshohet se ka pësuar infarkt kardiak.”, njoftoi policia.

I moshuari është nxjerrë nga uji dhe është marrë me urgjencë por ka ndërruar jetë rrugës për në Spitalin e Sarandës.

Grupi hetimor po kryen veprimet e mëtejshme në lidhje me sqarimin e rrethanave.