Padia e Mereme Selës mbi kandidimin e mohuar për zgjedhjet për kreun e PD është refuzuar nga Gjykata e Tiranës me argumentin se “mungojnë dokumentet shoqërues”. Vendimi mësohet të jetë marrë më 8 maj nga gjyqtarja Suela Xhani.
Mjekja pati dorëzuar aplikimin për të kandiduar për postin e kryetarit të PD për zgjedhjet që do të zhvillohen më 23 maj.
Komisioni i Organizimit dhe Kontrollit të Operacioneve Elektorale në Partinë Demokratike, me vendimin e datës 1 maj 2026, vendosi të mos miratojë emrin e Mereme Selas si kandidate zyrtare për drejtimin e subjektit politik.
Mjekja Sela nuk u pajtua me këtë vendim dhe kërkoi nga Gjykata e Tiranës që të shqyrtonte padinë e saj dhe në fund të shpallte të pavlefshëm vendimin për skualifikimin e saj nga gara.
Gjyqtarja e shortuar për shqyrtimin e padisë, Suela Xhani, kreu një vlerësim paraprak të dokumentacionit dhe konstatoi se mungonin një seri aktesh që të bënin të vlefshme kërkesën.
