Gazetari i CNN, Bill Weir ka treguar për një ngjarje ku përfshihet një i ri nga Kosova, që jeton në Shtetet e Bashkuara të Amerikës.
Gazetari amerikan bën të ditur në një postim në Twitter se i riu kishte gjetur një kuletë me 2,000 dollarë brenda, e cila i përkiste aktores së famshme amerikane, Meryl Streep.
Ai, pasi që e ka parë letërnjoftimin, ka vendosur që t’ia kthejë kuletën dhe të hollat aktores amerikane.
“Një djalë i këndshëm nga Kosova, që punon në ndërtesën time, një natë ka gjetur një kuletë në rrugë me 2,000 dollarë brenda. Kontrolloi ID-në, ishte Meryl Streep”, ka shkruar Weir.
“Babai gjithmonë më thotë se nëse diçka që nuk është e jotja, nuk është e jotja”,- i ka thënë i riu gazetarit të CNN.
Ndonëse i është ofruar shpërblimi për veprimin e tij, ai e ka refuzuar deri në insistimin e Streep që ta pranojë atë.
“Ai refuzoi shpërblimin, derisa Meryl insistoi. Njerëz të mirë”, e mbyll postimin e tij Weir.
Sweet guy from Kosovo who works in my building noticed a wallet in the street the other night with $2,000 in it.
— Bill Weir (@BillWeirCNN) March 18, 2022
He checks the ID.
It’s Meryl Streep.
“My Dad always said if you find something not yours, it’s not yours.”
He refused a reward until Meryl insisted.
Good humans.
