Një britanik i shpëtoi për fije vdekjes kur një pllakë druri fluturoi nga kamioni përpara tij dhe iu përplas me xhamin e përparmë me një shpejtësi prej 70 miljesh në orë.
47-vjeçari Wayne Spillett ishte rrugës për një intervistë pune kur ndodhi incidenti. Ai nuk shpëtoi pa lëndime fare, sepse përfundoi me një krah të thyer. Por fatmirësisht nuk pati lëndime më të mëdha.
“Jam me shumë fat. Mund të isha vrarë aty. Tani padyshim më kanë mbetur edhe tetë jetë të tjera. Ishte fat i madh që ajo pllakë druri u përplas në cepin e xhamit të parmë, megjithatë, përsëri situata ishte tmerruese”, tha Spillett.
Pavarësisht dhimbjeve, 47-vjeçari arriti të ulte shpejtësinë e të hapte krahun, ndërsa drejtuesi i një makine tjetër ndaloi për ta ndihmuar, e më vonë mbërriti dhe ambulanca.
