FUSHE-KRUJE – Një kufomë është gjetur i pajetë paraditen e sotme në një kanal në fshatin Luz, pranë Fushë-Krujës.
Siç bëri të ditur policia e këtij qyteti, kufoma është gjetur nga disa kalimtarë të rastit, që më pas kanë lajmëruar forcat e rendit.
Policia e Fushë Krujës në një dalje publike ka dhënë informacione rreth kufomës së gjetur paraditen e sotme në një kanal në fshatin Luz të Fushë Krujës.
Në fillim u informua se viktima ishte një adoleshent, por në fakt i përkiste një burri të moshuar.
Ai është 60 vjeçari Tod Preng Deda me banim në lagjen numër 15, Spitallë, Durrës.
Nga veprimet e para hetimore dhe kryerja e ekspertimit mjeko-ligjor nuk rezulton të ketë shenja dhune në trupin e viktimës dhe vdekja e tij të mendohet të jetë natyrale.
Vijon puna për sqarimin e plotë të rrethanave të ngjarjes.
Materialet iu përcollën Prokurorisë së Rrethit Durrës.
