27 korrik 2013 – Donald Lu zyrtarizohet si ambasadori i ri i Shteteve të Bashkuara të Amerikës në Tiranë. Presidenti i SHBA, Barack Obama, ka emëruar diplomatin Donald Lu si ambasador të Shteteve të Bashkuara të Amerikës në Shqipëri. Përmes një deklarate për shtyp, Presidenti Obama ka njoftuar për kandidaturën e z. Lu si edhe kandidaturat e tjera për poste të rëndësishme administrative. Donald Lu është një diplomat karriere dhe aktualisht është Zëvendës Shef i Misionit Diplomatik amerikan në Nju Delhi të Indisë. Më parë ai ka shërbyer në ambasadën amerikane në Baku të Azerbajxhanit si i Ngarkuar me Punë nga viti 2009-2010 dhe si Zëvendës Shef i Misionit nga 2007-2009. Donald Lu ka shërbyer si Zëvendës Drejtor i Zyrës për Azinë Qendrore dhe Çështjet e Kaukazëve të Jugut nga viti 2001-2003 dhe si Asistent i Posaçëm i Ambasadorit për Vendet e Sapo-Shpallura të Pavarura nga 2000-2001. Ndër funksione të tjera diplomatike përfshihet: Asistent i Posaçëm i Ambasadorit në Misionin Diplomatik amerikan në Nju Delhi; Zyrtar i Konsullatës amerikane në Tbilisi të Gjeorgjisë; Zyrtar Politik në Konsullatën amerikane në Peshavar të Pakistanit. Lu ka qenë në Sierra Leone nga 1988-1990 si vullnetar me Korpusin e Paqes. Ai ka diplomën e studimeve universitare dhe pasuniversitare nga Universiteti i Princetonit. Donald Lu lindi në Huntington Beach, Kaliforni. Ai u diplomua në Universitetin Prinston për arte si dhe ka mbaruar një master për marrëdhëniet ndërkombëtare. Lu ishte një vullnetar i Korpusit të Paqes në Sierra Leone, Afrikën Perëndimore në 1988-1990, ku ka dhënë një kontribut për edukimin shëndetësor, ka kontribuar për hapjen e puseve të ujit etj. Ndërkaq, ambasadori Arvizu, i cili e ka nisur karrierën diplomatike në Shqipëri në vitet 2010, do të largohet nga Shqipëria në fund të muajit korrik ose në fillim të gushtit.