Ilir Meta: Unë i dua gratë që janë burra në karakter, nuk ka më të rrezikshme se gratë që janë xheloze

Këtë të shtunë, Partia e Lirisë, po mban tryezën me temë “Fuqizimi ekonomik i grave dhe vajzave, garanci për një të ardhme më të mirë për vendin”.

Kryetari i Partisë së Lirisë, Ilir Meta, në fjalën e tij  u shpreh se konventa e 27 Prillit është shumë e rëndësishme, pasi shumica e të ftuarave dhe gjysma e pjesëmarrëseve, do të jenë gra dhe vajza.

Ai tha se pa ndihmën e tyre, nuk ndalohet dot shfarosja e Shqipërisë dhe zhbërja e identitetit tonë kombëtar.

“I dua gratë që janë burra në karakter. Nuk ka më të rrezikshme se gratë që janë xheloze për gratë.
Kisha disa gra që më thonin mos fol për Vasil Laçin dhe Vojo Kushin. Nuk flasim për këta ne sepse e kemi mendjen tek çantat dhe takat e larta, ndaj po na ikin të rinjtë. Vasil Laçi u bë hero sepse kishte një nënë heroinë. Po kush mbahen mend. Shqiptarët servila me lule?

Në Konventën e 27 prillit, gratë në PL do shpërthejnë e do afrohen shumë të tjera”, u shpreh Meta.