Një shofer autobusi ka vdekur dhe tre të tjerë janë plagosur pas goditjes nga një meteorit. Ngjarja e rrallë ka ndodhur pranë një kampusi universitar, në jug të Indisë, në qytetin Vellore. Vdekja e pazakontë nga meteoriti mund të konsiderohet rasti i parë i dokumentuar në histori. Shpërthimi i fuqishëm shkaktoi një gropë të thellë 80 centimetra, pranë së cilës u gjetën pjesë të mbetura të trupit qiellor. Në vitin 2013, një meteorit ra pranë një liqeni në rajonin Çelabinsk të Rusisë, por nuk pati viktima. I ndjeri nga India ka qenë vërtet i pafat pasi, sipas astronomëve, probabiliteti për t’u goditur nga një meteorit është 1 në 700 mijë.