INDI, 02 mars 2013– Një vajzë shtatë vjeçe është dhunuar në shkollën e saj në veriperëndim të Delhit.
E përditshmja The Times of India ka thënë se sulmi ka ndodhur në një shkollë qeveritare në zonën Mangolpuri të qytetit.
Prindërit e vajzës kanë denoncuar dhunimin në polici dhe e kanë dërguar atë në spital për trajtim të mëtejmë.
Mësohet se për rastin po merret në pyetje një roje e shkollës dhe disa punëtorë të tjerë.
Lajmi për dhunimin e vajzës ka rezultuar me tubimin e disa qindra njerëzve të cilët po protestojnë kundër rastit më të ri të dhunimit në vend.
