Arun Rajput është një i ri indian i cili konsiderohet djall nga bashkëfshatarët e tij pasi ka lindur me 4 këmbë. Ai i ka dy këmbët shtesë në kurriz, “dhuratë” nga një binjak i pazhvilluar, por banorët e Farrukhabad e kanë detyruar të izolohet krejtësisht djalin fatkeq.
“Njerëzit tallen me mua dhe më thonë që jam Djalli. Askush nuk më respekton sepse jam ndryshe nga të tjerët”, tregon 20-vjeçari.
Këmbët shtesë e pengojnë Arunin të ulet siç duhet, të ecë rehat dhe të gjejë rroba për të veshur.
Ai ëndërron që të bëjë një operacion për të hequr gjymtyrët e tepërta dhe një ditë të bëhet mësues.
