Nicolo Barella dhe Inter, do të ecin përpara së bashku. Pasi mbërriti në Milano në korrik 2019 nga Cagliari, mesfushori është një kandidat për t’u bërë një flamurtar i vërtetë për zikaltrit.
Po, sepse futbollisti i lindur në vitin 1997 është pranë zgjatjes së kontratës pavarësisht se marrëveshja aktuale skadon në vitin 2026.
Sipas zërave të fundit, marrëveshja e re do të parashikonte një zgjatje deri në vitin 2028 me një pagë dukshëm të rritur, e cila do të shkonte nga 5 milionë euro (plus bonuse) në 6 milionë: një rritje e konsiderueshme.
Njoftimi mund të arrijë që në javët e para të 2024.
Pavarësisht ardhjes së Davide Frattesit verën e kaluar, trashëgimtari i caktuar i Barella-s në letër, 26-vjeçari do të vazhdojë të qëndrojë në Milano.
Megjithatë, nuk mungojnë sirenat nga klubet e tjera: verën e kaluar Neëcastle me të vërtetë u përpoq përpara se të fundosej për ish-lojtarin e AC Milan, Sandro Tonali.
Interesimet e reja nuk do të mungojnë as qershorin e ardhshëm, por në Milano idetë janë të ndryshme: së shpejti, shkruan La Gazzetta dello Sport, një samit i dytë mes agjentit Beltrami dhe Marotta pritet të vendosë themelet për zgjatjen e bashkëpunimit deri në vitin 2028.
