Ky që shihni në këtë foto akuzohet si njëri nga tre personat që ekzekutuan me armë zjarri, Gentjan Bejtjan në muajin mars 2024 në Lurushk të Fushë-Krujës.
Fotoja e Flodian Plakut, i është përcjellë përmes Interpol Tiranës, autoriteteve spanjolle, duke dhënë informacion për policinë vendase mbi qytetin dhe zonën se ku qëndron i fshehur Flodian Plaku.
Arrestimi i Plakut, do ngjallte shpresat dhe për identifikimin e personave të tjerë që kanë marrë pjesë në këtë vrasje, pasi në rast pendese të Plakut, prokuroria shpreson të shkojë deri në identifikimin e organizatorit dhe financuesit të kësaj vrasje.
Sipas burimeve të policisë së Tiranës identifikimi i Florian Plakut është kryer përmes një analize ADN-je. Policia gjeti gjurmë djerse në njërën prej dorezave të derës së pasme dhe dorezën e dorëz që ndodhet në tavanin e makinës tip “Golf 7” të sekuestruar në zonën e TEG-ut, teksa makinën po e çonte për ta larë në lavazh i arrestuari Edison Haxhiu.
Kjo makinë e sekuestruar tashmë nga policia, është përdorur nga njësia e vrasjeve për t’u larguar nga vendi, ku grupi braktisi dhe dogji makinën “Range-Rover” të përdorur në ekzekutimin e Bejtjas.
Gjurma biologjike e marrë në makinë është krahasuar në bankën e të dhënave të ADN-së që ndodhet në policinë kriminale në Policinë e Shtetit, e cila rezultoi se i përkiste gjurmëve të personit të arrestuar në 2019 për trafik droge, Florian Plaku.
Ndërkohë hetimi i kësaj çështje ka provuar se Brahimi, besohet shumë se ka bashkëpunuar me Florian Plakun, dhe kunatin e tij, Ilir Beqiraj alias Brahimi por edhe me persona të tjerë në ngjarjen e vrasjes së Gentian Bejtjas në Larushk.
Krimi i rëndë ndodhi në sy të fëmijëve të Bejtjas, teksa ky i fundit ndodhej brenda një sere të vogël, duke vaditur domate.
Sipas burimeve të policisë është provuar në dhjetëra raste se Roan Brahimi, ka prerë biletë avioni në një agjenci udhëtimi në Lezhë për Florian Plakun dhe disa persona të tjerë të skeduar nga policia kriminale si të përfshirë në ngjarje të rënda kriminale.
Kjo agjenci udhëtimi që ndodhet në qytetin e Lezhës është kontrolluar dy ditë më parë nga policia kriminale e Tiranës dhe prej andej janë sekuestruar disa dokumente dhe një kompjuter.
