Mira Kazhani ka kujtuar një intervistat që i ka lënë asaj një shije të hidhur. Gjatë bisedës në emisionin “E Diell”, ajo tha:
“Ka qenë një rast me një politikan, Kastriot Islami, ma dha intervistën, m’i tha të gjitha, ia dërgova dhe në e-mail pasi ia kisha shkruar. Unë kurrë nuk guxoj të shkruaj diçka që s`ma ka thënë dikush dhe më vonë ishte penduar dhe thoshte që nuk i kam thënë ato gjëra. Le të themi që më la shije të keqe, sepse nuk m’u duk shumë burrërore”.
Ndërsa përsa i takon namit të saj si hakmarrëse dhe kuçedër, Kazhani tha se disa gjërave në jetë kishte vendosur t`u përgjigjej vetë dhe nuk do t`ia linte Zotit në dorë.
“Nëse dikush më ka lënduar me pa të drejtë, unë ia jap vetë përgjigjen, edhe pse nuk mund t`i biem me gurë çdo qeni që na leh në rrugë sepse nuk mbërrin në destinacion”, ka përmbyllur ajo.
