Irani ka paralajmëruar se do të shënjestrojë ambasadat izraelite në të gjithë botën, nëse Izraeli ndërmerr sulm ndaj ambasadës iraniane në Bejrut.
Sipas mediave iraniane, një zëdhënës i forcave të armatosura të Iranit deklaroi se çdo goditje ndaj përfaqësisë diplomatike iraniane në kryeqytetin e Libanit do të pasohet me kundërpërgjigje direkte ndaj ambasadave izraelite globalisht.
Sulme izraelite në Bejrut dhe në jug të Libanit
Më herët gjatë ditës, ushtria izraelite njoftoi se kishte ndërmarrë sulme ndaj objektivave të Hezbollah në Bejrut.
Sipas deklaratës zyrtare, forcat izraelite kanë nisur gjatë tre orëve të fundit një seri sulmesh edhe në jug të Libanit, duke përshkallëzuar më tej tensionet në rajon.
