Ministri i Jashtëm iranian, Abbas Araghchi ka mohuar përsëri çdo bisedë të drejtpërdrejtë me SHBA-në, duke thënë se i vetmi kontakt ka qenë nëpërmjet ndërmjetësve. Sipas tij ndryshimi i tonit të Uashingtonit përbën një pranim të dështimit, pasi më parë kishte kërkuar dorëzim pa kushte.
Araghchi tha gjithashtu se SHBA-të i kanë dërguar mesazhe të shumta Teheranit ditët e fundit përmes asaj që ai e përshkroi si “vende mike”, por theksoi se komunikimet nuk përbëjnë negociata.
“A nuk thanë amerikanët ‘dorëzimin pa kushte’? Atëherë, pse po flasin tani për negociata?”, tha Araghchi në një intervistë televizive të transmetuar të mërkurën në rrjetin shtetëror të Transmetimeve të Republikës Islamike të Iranit (IRIB). “
Araghchi shtoi se fakti që ata po flasin për negociata është pikërisht një pranim i humbjes.
“Fakti që po dërgohen mesazhe dhe ne përgjigjemi me paralajmërime ose deklarojmë qëndrimet tona nuk quhet negociatë apo dialog; është një shkëmbim mesazhesh”, theksoi ai.
Shtëpia e Bardhë tha se bisedimet me Iranin po vazhdojnë me ritëm të shpejtë, edhe pasi Teherani nuk e pranoi menjëherë një plan prej 15 pikash për t’i dhënë fund luftës.
