Policia e Shkodrës ka arrestuar 2 persona, të cilët ishin shpallur në kërkim.
Mësohet se është arrestuar shtetatsi me iniciale R.L., 23-vjeç banues në lagjen Skendërbeg, Shkodër, pasi është dënuar me burg për veprën penale “Ndihma për kalim të paligjshëm të kufijve”.
Ndërkohë në pranga të policisë ka rënë edhe 36-vjeçari Marjan Marku, banues në fshatin Shllak, Shkodër, të cilin Gjykata e ka dënuar me 2 muaj burg për veprën penale “Vjedhja e energjisë elektrike”.
NJOFTIMI I POLICISË:
Shkodër/Vijon puna për kapjen e personave të shpallur në kërkim.
Kapen dhe vihen në pranga 2 shtetas të shpallur në kërkim.
Në vijim të punës për lokalizimin dhe kapjen e personave të shpallur në kërkim dhe vënien e tyre para përgjegjësisë ligjore, specialistët për Hetimin e Krimit, në bashkëpunim me Forcat e Posaçme “Shqiponja” të DVP Shkodër, falë veprimeve profesionale, kanë bërë lokalizimin e vendndodhjes, kapjen dhe ndalimin e shtetasit R. L., 23 vjeç, banues në lagjen Skendërbeg, Shkodër.
Këtij shtetasi, Gjykata e Shkallës së Parë Shkodër, më datë 15.04.2021, i ka caktuar masën e sigurimit personal “Arrest në burg” për veprën penale “Ndihma për kalim të paligjshëm të kufijve”.
Nga shërbimet e Policisë Kufitare në PKK Hani i Hotit, falë kontrolleve të shtuara, është kapur dhe ndaluar shtetasi i shpallur në kërkim Marjan Marku 36 vjeç, banues në fshatin Shllak, Shkodër, të cilin Gjykata e Rrethit Gjyqësor Shkodër e ka dënuar me 2 muaj burg për veprën penale “Vjedhja e energjisë elektrike”.
Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.
