Autoritetet amerikane kanë arrestuar gazetarin dhe ish-prezantuesin e CNN International, Don Lemon, i cili ndodhej në një protestë kundër ICE-s (Shërbimit Amerikan të Emigracionit dhe Doganave) në Minesota.
“Don Lemon u arrestua mbrëmë nga agjentë federalë në Los Anxhelos, ku po mbulonte ceremoninë e çmimeve Grammy”, deklaroi avokatja e tij, Abe Lowell, në një njoftim zyrtar.
“Don është gazetar prej 30 vitesh dhe veprimtaria e tij, e mbrojtur nga Kushtetuta, në Mineapolis nuk ndryshonte aspak nga ajo që ka bërë gjithmonë. Amendamenti i Parë ekziston për të mbrojtur gazetarët, roli i të cilëve është të hedhin dritë mbi të vërtetën dhe të mbajnë përgjegjës ata që janë në pushtet”, theksoi ajo.
Sipas CNN, Lemon ndodhej së bashku me dhjetëra protestues kur forcat e ICE-s ndërhynë në Kishën e Qyteteve në Saint Paul, Minesota, duke ndërprerë një shërbesë fetare dhe duke shkaktuar tensione.
“Në vend që të hetojë agjentët federalë që vranë dy protestues paqësorë në Minesota, Departamenti i Drejtësisë po shpenzon kohën, vëmendjen dhe burimet e tij për këtë arrestim”, shtoi avokatja e gazetarit. “Don do t’i kundërshtojë këto akuza në gjykatë”, përfundoi ajo.
