Një shtetas shqiptar përfundoi në pranga gjatë një operacioni antidrogë të Guardia di Finanza, në Itali. Autoritetet italiane kane sekuestruar 8 kg drogë të llojit marijuanë dhe një sasi prej 70 gr kokainë. Shqiptari e kishte fshehur lëndën narkotike në banesën e tij, ndërsa e shpërndante atë në Mogliano. Hetimet nisën gjatë monitorimit në zonën në fjalë. Shqiptari i arrestuar është 36-vjeç me inicialet F. G., që jetonte në një apartament në Benetton. Nga hetimet rezulton se vlera e lëndës narkotike ishte 100 mijë euro, nëse do të shpërndahej në tregun me pakicë.