Dy shqiptarë janë arrestuar në Itali, pas një operacioni antidrogë në Milano. Sipas mediave italiane, shqiptarët me inicialet P. N., 46 vjeç, dhe A. C., 37 vjeç, janë arrestuar teksa po udhëtonin me një furgon në zonën e San Roco. Shpejtësia e lartë e automjetit me të cilin ata po lëviznin i ka bërë të bien në sytë e Policisë Rrugore. Pasi i ndaloi Policia Rrugore, gjatë kontrollit që iu krye dy personave dhe automjetit, iu është gjetur 1 kg lëndë narkotike, e llojit heroinë. Nëse do shitej në treg, trafikantët shqiptarë përfitonin 30 mijë euro.