Prej 10 vitesh shpërndanin lëndë narkotike në Padova, Itali. Janë dy shqiptarë që janë vënë në pranga nga policia, pas një hetimi të nisur që në muajin gusht të vitit 2015 dhe që ka përfunduar mesditën e sotme. Prapa hekurave mësohet se janë vënë dy shqiptarët me inicialet G. I., 32 vjeç  dhe kolegu i tij, 29-vjeç ari me inicialet D. S. Për policinë ata janë dy bosë lokalë të shpërndarjes së drogave, nga kokaina, heroina dhe ato më të lehtat. 29-vjeçari, sipas policisë, drejtonte një lokal në zonen Candiana në Padova dhe njëkohësisht drejtonte edhe rrjetin e drogës. Ata shpërndanin lëndën narkotike me një makinë tip BMW. Gjatë arrestimeve, policia u ka gjetur dhe 58 gram kokainë.