Zëvendësministri italian i Shëndetësisë, Pierpaolo Sileri, ka thënë se beson që Italia i është afruar pikut të shpërthimit të koronavirusit.
Italia është vendi i goditur më keq nga ky virus, pasi deri më tani ka regjistruar mbi 10,000 vdekje.
Sileri ka thënë për BBC-në se brenda një jave apo 10 ditëve, ky shtet do të përballet me rënie të numrit të të prekurve.
Ai po ashtu ka hedhur poshtë kritikat se Qeveria Italiane nuk ka marrë masat për izolim kur ishte e nevojshme.
Ai ka thënë së qeveria “ka vepruar shpejt” dhe ka qenë “shumë e pafat” që ka pasur disa shpërthime në rajonin e Lombardisë, rajon të Italisë, të cilin e ka përshkruar si “tejet aktiv”.
