Kryeministri i Kosovës Ramush Haradinaj është edhe nënshtetas i Shqipërisë që prej 24 prillit të vitit të kaluar dhe tashmë edhe me pasaportë shqiptare.
Mësohet se Haradinaj ka aplikuar 3 ditë më parë për pasaportë dhe pritet ta marrë në ditët në vijim.
Vendimi është marrë pak ditë pasi ambasada e SHBA-së në Kosovë i refuzoi vizën amerikane, çka çoi në anulimin e një vizite të Haradinaj në shtetin Iowa.
Ky veprim i Haradinajt vjen pak kohë pasi Presidenti i Kosovës Hashim Thaçi kërkoi pajisjen e shtetasve kosovarë me pasaporta shqiptare si kundërpërgjigje për vendimin e BE-së për të mos i liberalizuar vizat kosovarëve. Ndërkohë që nga ana tjetër Presidenti i Shqipërisë Ilir Meta e kundërshtoi këtë gjë, pasi sipas tij kjo do të dëmtonte jo vetëm Shqipërinë por edhe Kosovën.
