Njerëzit më së miri duken në të tridhjetat, ka treguar studimi i ri, në të cilin theksohet që femrat janë më të bukura me 30 vjet, ndërsa meshkujt me 34.
Studimi, në të cilin kanë marrë pjesë 2000 njerëz, ka treguar që femrat kulmin e bukurisë e arrijnë në moshën 30-vjeçare, shenjat e plakjes bëhen të dukshme me 41 vjet, ndalen së qeni seksi në moshën 53-vjeçare, ndërsa bëhen të vjetra kur janë 55 vjeçe.
Meshkujt më mirë duken në moshën 34-vjeçare, ndërsa shenjat që plaken shfaqen në moshën 43- vjeçare. Në moshën 58-vjeçare nuk duken më bukur, ndërsa në moshën 59 thuhet se janë të vjetër, trasmeton Telegraf.
“Në të kaluarën është konsideruar që njerëzit më të bukur janë në të njëzetat e vonshme. Por, në kohën e sotme çdo gjë ka të bëjë me parandalimin e plakjes dhe ruajtjen e bukurisë sa më gjatë.
Çdo ditë shohim persona të famshëm që kanë më shumë se 50 vjet dhe duken jashtëzakonisht mirë”,- ka thënë Jillian Mackenzie, nga revista “Allure”, e cila ka kryer hulumtimin.
Sipas Telegraf, hulumtimi ka treguar që njerëzit preparatet kundër plakjes fillojnë t’i përdorin kur janë 37 vjeç, ndërsa shumë përcaktohen edhe për operacione plastike dhe botoks.
