Angazhimet e përditshme shpesh të humbasin mendjen edhe në rastet kur bëhet fjalë për shëndetin.

Por çfarë ndodh në qoftë se me neglizhimin e simptomave të parrezikshme jeni duke injoruar disa simptoma serioze të cilat po ju tregojnë se vuani nga një sëmundje e caktuar?

Duhet t’i dini këto ndryshime dhe të jeni në gjendje të vëreni nëse diçka nuk është duke vajtur mirë dhe të konsultoheni me një doktor.

Thembra të thara

Lëkura në këmbë bëhet e thatë në mungesë të vitaminës A dhe E. Mund të shkaktohet edhe nga prezenca e infeksioneve kërpudhore që ndikojnë në gjendjen e epidemisë. Simptomat e zakonshme janë çarjet në shputë dhe zverdhja e thonjve. Nëse thatësia dhe fortësia nuk zhduken edhe në rast të përkujdesjes dhe marrjes vitaminave, mund të jetë shenjë e problemeve endokrine.

Çarja e thonjve

Të gjithë jemi të vetëdijshëm se sa të shëndetshëm mund të duken thonjtë. Çdo ndryshim në ngjyrën ose strukturën e tyre është shenjë alarmuese. Thonjtë e hollë dhe të zbehët mund të jenë shenjë e anemisë dhe mungesës së hekurit në trup, përderisa zverdhja e mund të tregojë çrregullime në mëlçi dhe çrregullime të traktit, ose ndonjë infeksion fungal (një sëmundje që zakonisht prek lëkurën, por mund të ndikojë edhe në organet e tjera). Shenjat vijat e bardha mund të shkaktohen si mungesë e zinkut.

Rënia e vetullave

Jo vetëm që janë në trend vetulla e trasha, por ato gjithashtu mund të jenë një tregues shëndetësor. Rënia e vetullave është mjaft normale, por nëse vëreni një rënie masive dhe shfaqje e zonave të zbrazura në zonën e vetullave, kontaktoni doktorin menjëherë. Kjo simptomë mund të jetë e lidhur me nivelin e aktivitetit të tiroideve.

Tharjet dhe çarjet e buzëve

Lëkura e thatë është një nga shenjat e alergjisë. Në këtë rast duhet t’i kushtoni më shumë kujdes produkteve kozmetike dhe higjienike që jeni duke përdorur, ushqimi që hani, dhe ilaçeve. Të çarat në qoshet e buzëve janë duke treguar se keni mungesë të vitaminës B, A, dhe E. Nëse gjithashtu keni sy të thatë, gojë të thatë, dhe probleme me sistemin e tretjes, është mirë ta vizitoni doktorin sepse mund të jetë një kombinim specifik i simptomave të sëmundjeve imunitare.