Policia e Vlorës ka identifikuar tre të rinjtë që gjetën tragjikisht vdekjen sot në plazhin e Zvërnecit në Vlorë.
Mësohet se ata janë dy vajza dhe një djalë.
Sipas policisë, trupat e pajetë i përkasin shtetasve:
- Manuela Maraj, 27 vjeçe, banuese në Babicë të Madhe, Vlorë.
- Xhoana Cani, 25 vjeçe, banuese në Tiranë.
- Beniamin Ferati, 24 vjeç, banues në Tetovë, Maqedoni.
Të tre viktimat janë transportuar në morgun e qytetit.
Policia tha se ishte njoftuar rreth orës 14:30 se në plazhin e Zvërnecit po rrezikoheshim të mbyteshin në ujë 2 persona. Drejt vendngjarjes, pranë zonës së Portonovës, u nisën shërbimet e policisë kufitare dhe ato vendore, por nuk arritën të shpëtojnë të rejat dhe as djalin që ishte përpjekur t’u shkonte në ndihmë.
Grupi hetimor po heton për përcaktimin e shkaqeve dhe sqarimin e rrethanave të ngjarjes.
Po sot, një tjetër 14-vjeçar u mbyt në plazhin e Marinës, në qytetin bregdetar të Vlorës.
