Më herët gjatë ditës, DurrësLajm raportoi për nisjen e procedimit penal ndaj një çifti që tentoi të kalonte në doganën e Durrësit një sasi të konsiderueshme sendesh me vlerë, të padeklaruara në autoritetet doganore.
Në videon e mëposhtme policia e Durrësit demostron sasinë e madhe të orëve të floririt dhe bizhuteritë e çmuara të sekuestruara.
Njoftimi i Policisë
Specialistët e Sektorit për Hetimin e Krimeve në Drejtorinë Rajonale për Kufirin dhe Migracionin Durrës filluan procedimin penal në ngarkim të:
1.F. D. 34 vjeçe, banuese në Palermo, Itali
2. P. C. 39 vjeç, banues në Bisceglie, Itali
Ditën e djeshme, gjatë kontrollit të ushtruar në P.K.K. Durrës u gjetën dhe sekuestruan në cilësinë e provave materiale një sasi e konsiderueshme mallrash me vlerë, si:
ora të markave të ndryshme;
varëse me ngjyrë floriri, me gurë si ato te diamantit;
byrzylyk me ngjyrë si ato të floririt;
unaza me gurë si ato të diamantit;
vathë me ngjyrë si ato të floririt si dhe me ngjyrë të bardhë dhe me gurë si ato të diamantit.
Sendet e sekuestruara, personat e proceduar, nuk i kishin deklaruar në doganë.
