Mandarinat janë një burim i pasur me vitamina dhe minerale dhe kanë përmbajtje tepër të vogël të yndyrës.
Vetëm 1 kupë më mandarina ofron 28 % të normave të rekomanduara ditore për vitaminë C, e cila është antioksidant i fuqishëm i cili neutralizon radikalet e lira duke përfshirë edhe ato që vijnë si rezultat i rrezeve të diellit. Po ashtu rekomandohet për persona të prekur nga të gjitha llojet e gripit.
Ky frut citric përmbanë Beta-carotene funksionon si antioksidant por edhe mund të shndërrohet në retinol, formë kjo e vitaminës A e cila shfrytëzohet nga qelizat e syve për shikim dhe poashtu ndihmon sistemin imunitar.
Mandarinat kanë efekte pozitive në shëndetin e eshtrave. Eshtra e vjetër dhe e dëmtuar zëvendësohet gjithmonë me masë të re ashtrore dhe ky cikël zgjatë gjatë tërë jetës. Prandaj, është shumë e rëndësishme të merret sasia e nevojshme e mineraleve përmes ushqimit në mënyrë që të parandalohet osteoporoza. Magneziumi është një tjetër mineral i rëndësishëm i cili ka rol kryesor në mirëmbajtjen e eshtrave të shëndetshëm. Një kupë me mandarina ofron 3 % të vlerave të nevojshme ditore për të gjitha llojet e mineraleve që nevojiten për mirëmbajtjen e eshtrave të shëndoshë.
Fruti përmbanë sasi të mjaftusheme të fibrave të cilat janë shumë të rëndësishme kundër kapsllëkut, problemeve gastrointestinale, si dhe ndihmojnë në mirëmbajtjen e nivelit të duhur të sheqerit në gjak dhe përpunimit të ushqimit. Vlerat ushqyese me fibra të një kupe me mandarina janë rreth 5% të vlerave të rekomanduara ditore për meshkuj dhe rreth 7% për femra.
