Deri më tani, trupi kryesor i helikopterit, kabina, është gjetur 200 metra nga bregu i Liqenit, në thellësi 5 metra.
Sipas hetimeve rezulton se 2 viktimat kanë qenë në sedilet e para. Në momentin e nxjerrjes së trupave të tyre, banorët thanë se ishte shumë e vështirë, pasi ata ishin të lidhur me rripin e sigurimit. Mendohet se ata kanë qëndruar në kabinë, pasi janë përpjekur në të gjitha mënyrat që të manovronin helikopterin.
Ndërsa për sa i përket të plagosurit, ai është hedhur në liqen para se helikopteri të prekte ujin. Sipas dëshmive të banorëve, Geraldi është hedhur nga helikopteri duke hapur derën e pasme të tij.
Në këtë mënyrë shpjegohet fakti se si Geraldi ka mundur të shpëtojë. Pra ai nuk ka qenë pjesë e kabinës dhe ka mundur të manovrojë.
Vazhdojnë ende hetimet për rënien e helikopterit në Malësi të Madhe, ku si pasojë vdiqën 2 ushtarakët pilotë dhe u plagos një ushtar. /BalkanWeb
