Qeveria japoneze ka lëshuar një raport alarmues mbi rrezikun e një tërmeti me magnitudë 9 ballë, i cili mund të shkaktojë cunami shkatërrues dhe të marrë deri në 300,000 jetë njerëzish.
Sipas raportit, një tërmet i tillë mund të godasë brigjet e Paqësorit përgjatë zonës nënujore Nankai Trough, ku pllaka tektonike e Filipineve zhytet nën atë Euroaziatike. Një skenar i tillë mund të zhvendosë 1.23 milionë njerëz dhe t’i kushtojë ekonomisë japoneze deri në 1.81 trilion dollarë, gati gjysmën e PBB-së së vendit.
Ekspertët paralajmërojnë se një tërmet i tillë mund të ndodhë një herë në 100-150 vjet, ndërsa qeveria japoneze vlerëson një probabilitet prej 80% për një tërmet me magnitudë 8 deri në 9 ballë në këtë zonë.
Një tërmet i ngjashëm me magnitudë 9 ballë në vitin 2011 shkaktoi cunamin shkatërrues që mori mbi 15,000 jetë dhe çoi në katastrofën bërthamore të Fukushimës.
