Izrael, 25 korrik 2014 – Një ushtar izraelit i Brigadës së famshme Golan të këmbësorisë së mekanizuar, përjetoi një mrekulli të dyfishtë në natën e 23-24 korrikut.
Ndërsa reparti i tij ishte angazhuar në luftime me trupat e Hamasit brenda Rripit të Gazës, në qytezën e Bet Laiyeh-it, një plumb kallashnikovi e goditi në gjoks.
Plumbi depërtoi por nuk e përshkoi tej përtej jelekun, antisharapnel multifunksional të ushtarit. Në këtë mënyrë ushtari shpëtoi nga vdekja ose së paku nga një plagosje e rëndë.
Plumb ishte ngulur në trupin e një granate ofensive të vendosur në një nga xhepat e jelekut multifunksional. Në këtë rast kemi të bëjmë me një tjetër mrekulli, pasi plumbi ishte ngulur në trupin e granatës dhe nuk e kishte shpërthyer granatën.
Kështu, në sajë të një mrekullie të dyfishtë, ushtari izraelit jo vetëm nuk vdiq, por as nuk u plagos. E vetmja shenjë e këtij takimi me vdekjen ishte një hematomë e lehtë.
/gje. th. agjencia e lajmeve “Dyrrah”/
