Këngëtari Justin Bieber ka thyer rekordin dhe është bërë artisti më i dëgjuar në platformën Spotify. Ai ka grumbulluar 83.3 milionë dëgjime gjatë muajve të fundit dhe kjo është hera e parë që një numër i tillë është arritur nga një artist gjatë një periudhe të shkurtër.
27 vjeçari ndiqet nga The Weeknd, i cili ka arritur 74.5 milionë dëgjime në muaj e më pas vjen Ed Sheeran me mbi 72.4 milionë. Rekordi i mëparshëm ishte 82 milionë klikime nga këngëtarja amerikane, Ariana Grande.
Në javën e kaluar (20 gusht), ylli i muzikës pop njoftoi për një festival tre-ditor ku do të marrin pjesë edhe disa artistë e tjerë si: The Kid LAROI, Jaden Smith etj.
Në këtë eveniment nuk do të mungojnë as David Guetta, Kehlani, TroyBoi dhe Eddie Benjamin. Festivali do të zhvillohet midis 7 dhe 10 tetor, i cili do të mbahet në klubin e natës Wynn Las Vegas’ XS dhe Encore Beach Club.
Bieber po shijon suksesin e albumit të ri njëherësh të gjashtit të quajtur “Justice” që përfshin këngët: “Lonely”, “Anyone”, “Hold On” dhe “Peaches”.
