Emri i Armando Brojës vazhdon të përmendet në Itali. “Tuttosport”-i bën me dije se Juventusi nuk ka hequr dorë nga sulmuesi shqiptar.

Përkundrazi, “Zonja e vjetër”, synon transferimin e 22-vjeçarit këtë verë.

Media torineze raporton se Juventusi dëshiron që të ketë në ekip një lojtar si Broja për të shtuar konkurencën me Dushan Vllahoviçin.

Megjithatë, transferimi i tij nuk do të jetë i lehtë, pasi nuk mungon interesimi nga Milani, Monakoja, Evertoni, apo edhe Sauthemptoni.