Policia ka sekuestruar 63 kilogramë kanabis në doganën e Kakavijës, duke arrestuar dy persona nga Fieri. Droga u zbulua në një automjet që drejtohej nga 44-vjeçari O.K., i cili po përpiqej të kalonte kufirin.
Pas një kontrolli të detajuar, uniformat blu gjetën 60 pako droge të fshehura në parafangot dhe shasinë e makinës, të mbështjella me natriban. Përveç shoferit, në pranga ka përfunduar edhe një grua nga Fieri, e cila udhëtonte si pasagjere.
Policia ka sekuestruar automjetin, 3 celularë dhe 1890 euro, ndërsa hetimet vijojnë për të zbuluar destinacionin e lëndës narkotike dhe rrjetin e trafikantëve.
