Edhe pse nuk përmendet shpesh, kaliumi është një ndër mineralet më të rëndësishme për shëndetin tonë. Ai ndihmon në forcimin e muskujve, funksionimin normal të nervave dhe mirëmbajtjen e qarkullimit të gjakut. Por mungesa e tij shpesh kalon pa u vënë re.
Sasia e rekomanduar ditore është 4,700 mg, por për shkak të konsumit të lartë të kripës, shumë njerëz e humbin atë më shpejt nga sa e marrin. Kjo përkthehet në lodhje të përgjithshme, tension të lartë, muskuj të dobët, çrregullime të rrahjeve të zemrës, marramendje, madje edhe konstipacion.
Simptomat kryesore të mungesës së kaliumit përfshijnë:
- Ndjesi lodhjeje të vazhdueshme,
- Tension të lartë të gjakut,
- Dobësi muskulore apo kontraktime,
- Rrahje të çrregullta të zemrës,
- Marrje mendsh ose humbje ndjenje,
- Probleme me tretjen.
Për të ruajtur nivelet e duhura të kaliumit, është e rëndësishme të shmangni ushqimet e përpunuara dhe të pasura me sodium, si ushqimet e ngrira, patatinat apo biskotat.
Ushqimet më të pasura me kalium janë:
- Fasulet e bardha – 1,004 mg për filxhan,
- Avokado – 690 mg për një copë,
- Patatja e ëmbël – 438 mg për një kokërr,
- Banania – 422 mg për një frut,
- Salmoni – 416 mg për 85 gr,
- Bizelet, sardelet, brokoli, qitro dhe qumështi gjithashtu përmbajnë sasi të konsiderueshme.
7 përfitimet kryesore të kaliumit për organizmin:
- Ul tensionin e gjakut dhe përmirëson funksionin e zemrës,
- Mbështet metabolizmin,
- Parandalon kontraktimet dhe dhimbjet muskulare,
- Forcon kockat,
- Ndihmon sistemin nervor,
- Përmirëson tretjen,
- Parandalon çrregullimet në funksionin e veshkave.
Nëse përjetoni simptoma të vazhdueshme si lodhje apo rrahje të çrregullta të zemrës, është e këshillueshme të bëni analiza për të kontrolluar nivelin e kaliumit në gjak dhe të konsultoheni me një mjek.
