Ka ndërruar jetë në moshën 58-vjeçare DJ Casper, i cili ishte i famshëm për hitin botëror “Cha Cha Slide”.
Dj i njohur u nda nga jeta të hënën pas një beteje me kancerin.
Majin e kaluar, Casper dha intervistën e tij të fundit televizive ku foli për problemet shëndetësore.
“Ata më diagnostikuan në vitin 2016 me dy lloje kanceri, të veshkës dhe mëlçisë”, tha Casper.
Më pas shtoi: Mjekët u përpoqën të më bënin operacion por zbuluan se veshka ishte e lidhur me arterien kryesore, kështu që vendosën të hiqnin dorë dhe thjesht ta trajtonin me medikamente.”
Beteja e tij me sëmundjen i solli valë sfidash ndër vite. Së fundmi, Casper tha për ABC7 se kishte probleme me të ngrënit dhe se po humbte shumë peshë.
“Nëse më njihni, e dini që nuk do të ndalem. Do të vazhdoj të luftoj deri në fund”, tha ai.
