Më shumë se 36 milionë amerikanë mund të jenë alergjikë ndaj marijuanës, edhe nëse ata e thithin pasivisht atë.
Sipas një raporti mbi alergjitë e kombit, 73 për qind e 50 milionë njerëzve që reagojnë ndaj polenit kanë gjithashtu probleme me kanabisin, dhe kjo shifër po rritet.
Shkencëtarët paralajmërojnë se reagimet ndodhin madje edhe te njerëzit që janë të ekspozuar ndaj tymit të marijuanës, në vend që ta konsumojnë vetë drogën.
Hulumtuesit gjetën në disa raste ekspozimi ndaj polenit të marijuanës ose tymit të kanabisit se ka provokuar simptomat e rinitit alergjik, të shkaktuara nga inflamacioni i hundës, duke shkaktuar teshtimë, mbingarkesë, kruarje dhe hundë të lëngshme. Ata gjithashtu gjetën simptoma të konjuktivetit dhe astmës.
Ekspertët paralajmërojnë se kjo është një çështje që ka nevojë për hetim urgjent, pasi më shumë se gjysma e vendit e ka legalizuar tashmë drogën.
Një studim i botuar vitin e kaluar shqyrtoi provat mjekësore duke marrë rastet e reaksioneve alergjike ndaj bimës së marijuanës, e njohur në emrin latin Cannabis sativa.
“Edhe pse ende relativisht e pazakontë, sëmundja alergjike e lidhur me ekspozimin dhe përdorimin e kanabisit sativa është raportuar me frekuencë më të madhe”, thuhet në raport.
Kanabisi hedh polenin e vet në fund të verës dhe në vjeshtën e hershme. /Ora News/
