Aleksandar Shapiç, kandidat i listës së Aleksandar Vuçiç, ka thënë se Serbia është në prag të luftës civile, duke reaguar ndaj deklaratave të opozitës pro-evropiane serbe se do të bllokojnë punën e institucioneve në atë vend në ditët në vijim.
Ai ka thënë se lufta civile i ka dëmtuar shumë dhe nuk duhet të ndodhë sërish.
“Ajo që po bëjnë është një prelud i një lufte civile. Prandaj i kërkoj që të mos e bëjnë. Kemi vuajtur shumë. Lufta civile na ka shkatërruar. Nuk ka pajtim ende. Nuk duhet të ndodhë më. Kjo është një nxitje për konflikt civil dhe ne nuk duhet ta lejojmë atë”, tha Shapiç.
Shapiç theksoi se Partia Progresive Serbe (SNS) ka arritur rezultatin më të mirë në zgjedhjet e së dielës në Beograd, me një pjesëmarrje kaq të madhe, dhe shtoi se befasia e zgjedhjeve ishte rezultati i arritur nga Branimir Nestoroviq, por që çdo zgjedhje sjell disa surpriza sepse nuk do të ishte kështu zgjedhjet do të ishin të mërzitshme.
