Tiranë, 15 qershor 2014 – Kaos në Aeroportin e Rinasit. Rreth 100 udhëtar shqiptar janë bllokuar që prej orës 12:30 në aeroport, pasi presin të nisen drejt Italisë. Sipas ankesave nga qytetarët shqiptar, mësohet se nga ana e drejtuesve të aeroportit dhe kompania e fluturimit, arsyet e bllokimit dhe vonesës janë tepër kontradiktore.
Mësohet se prej 8 orësh, në mesin e udhëtarëve që presin ka shumë gra, fëmijë, dhe të moshuar.
“Po bëjmë që prej orës 12:30 të drekës që presim. Na kanë thënë se do vonohet avioni një orë, pasi ka një defekt teknik. Por në monitor bëhet ndërrimi i orës, na e shtyn nga ora 14 e 30. Tani jemi duke pritur pasi ka një vonesë të madhe. Nga kompania na kanë thënë se të sigurt që në orën 19:30 do nisemi. Por nuk e dimë nëse do e mbajnë fjalën.”– kështu bëri me dije për News24 një nga udhëtarët që pret të fluturojë drejt shtetit italian.
Pas 8 orësh pritje, zgjidhet kaosi në Aeroportin e Rinasit. Rreth 100 udhëtarë shqiptar ishin bllokuar që prej orës 12:30 në aeroport, pasi prisnin të niseshin drejt Italisë.
/agjencia e lajmeve “Dyrrah”/
