Policia greke ka arrestuar një shtetas shqiptar pasi akuzohet për trafik droge dhe armëmbajtje pa leje.
55-vjeçari u ndalua në zonën Nikopolis në Selanik, ndërsa gjatë kontrollit në një objekt në përdorim të të arrestuarit u gjet një vazo qelqi, që kishte brenda 120 gramë kanabis.
Një tjetër vazo qelqi, me 274 gr kanabis, u gjet e fshehur në një gomë makine në oborrin e objektit.
Policia sekuestroi gjithashtu në cilësinë e provës materiale një pistoletë, një karikator dhe 16 fishekë manovre, si dhe 125 euro që konsiderohen si të fituara nga trafiku i drogës.
