Në Kavajë, gjatë ceremonisë për 26-vjetorin e rënies dhe përurimin e shtatores së dëshmorit të kombit, Indrit Cara, politika dha një tjetër pamje të rrallë të saj.
Në këtë aktivitet, Kryetarja e Kuvendit Elisa Spiropali, njëkohësisht drejtuese politike e PS-së për qarkun Tiranë, u prit me nderime nga kryebashkiaku demokrat i Kavajës, Fisnik Qosja.
I pranishëm në ceremoni ishte edhe Presidenti Bajram Begaj, si dhe ish-Kryeparlamentari i Maqedonisë së Veriut, Talat Xhaferi, një pjesëmarrës i rregullt në aktivitetet me karakter kombëtar në Shqipëri.
Pas homazheve për Indrit Carën, të pranishmit morën pjesë edhe në aktivitete të tjera, përfshirë vizitën në Muzeun Etnologjik të Kavajës.
