Lufta për Big Brother duket se është e ndezur dhe jashtë shtëpisë, me banorët e larguar që komentojnë gjithçka që bëhet për të fituar garën.
Së fundi është moderatorja Kejvina Kthjella e cila nuk e ka kursyer mbështetjen e saj për Dea Michel, duke sulmuar dhe hyrjet e reja, Kiarën dhe Efin, të cilat janë etiketuar si fanse të Luizit.
“Ndërkohë unë që për një moment harrova që s’jam Luizi e po imagjinoja sikur po më bënin fresk dhe mua. Edhe unë me këtë imagjinatën time shkoj shumë larg, ca dështake jam varja. Lëre se po e mbyll me kaq se nuk jam lëpirëse, jam panetone”, shkruan Kejvina me ironi në Instagram, duke nxjerrë foton e një freskueseje.
Kjo pas komentit të Arbër Hajdarit, i cili tha se Kiara, Efi dhe Ronaldo që u rifutën në BBV, janë ‘luizatorë’ dhe se më mirë të marrin një freskuese për ti bërë ‘fresk’ Luizit.
Ndërsa për Dean, Kejvina shprehet se ka menaxhuar gjithë lojën me qetësi dhe se është vajzë me botë dhe artiste.
